اسلام آباد۔24جنوری(اے پی پی) پاکستان تے آذربائیجان وچال اٹھویں مشترکہ کمیشن دا اجلاس اسلام آباد اچ کامیابی نال مک ڳئے ، ݙوہیں ملکاں ݙوپاسے تعلقات کوں م??ید مستحکم کرݨ تے مختلف شعبیں اچ تعاون ودھاوݨ دا عزم کیتے ۔ اجلاس دی مشترکہ صدارت پاکستان دے وفاقی وزیر دفاعی پیداوار خواجہ محمد آصف اتے آذربائیجان دے وزیر دفاعی صنعت وگار مصطفائیف کیتی اجلاس اچ تجارت، دفاع، توانائی، آئی سی ٹی، زراعت، ٹرانسپورٹ، صحت، تعلیم اتے ٻئے اہم شعبیں اچ تعاون کوں تکڑا بݨاوݨ سانڳے بامعنی مذاکرات کیتے ڳئن ۔وزیر دفاع خواجہ آصف اپݨے خطاب اچ آکھیے وزیر دفاعی صنعت آذربائیجان، وگار مصطفائیف اتے انھاں دے وفد کوں پاکستان اچ خوش آمدید آکھݨ اساں کیتے باعث اعزاز ??ے۔ پاکستان اتے آذربائیجان وچال تاریخی اتے گھاتے برادرانہ تعلقات ہن جیڑھے جو سانجھے احترام، ثقافتی رابطے تے عالمی امور تے یکجہتی تے مبنی ہن۔ ݙوہیں ملکاں وچال اعلیٰ سطح دے وفد دے تبادلیں، بشمول صدر الہام علیوف اتے وزیر اعظم شہباز شریف دے دوریں دفاع، توانائی تے تجارت جیھے اہم شعبیں اچ تعاون کوں م??ید ودھارا ݙتے اڄ تھیوݨ آلی ڳالھ مہاڑ دے نتیجے اچ اہم معاہدے طے پاتن جو جو زراعت، صحت، آئی ٹی، دفاع اتے سیاحت دے شعبیں اچ ݙو پاسے تعلقات کوں م??ید تکڑا کریسن ۔ انہاں ایں موقع تے آذربائیجان دی حکومت دا شکریہ ادا کیتے تےایں شراکت داری کوں م??ید ودھارا ݙیوم دا عزم کیتے ۔آذربائیجان دے وزیر دفاعی صنعت وگار مصطفائیف آکھیے اٹھویں مشترکہ کمیشن اجلاس اچ شرکت مییں سانڳے ماݨ دی ڳالھ اے ۔ پاکستان اتے آذربائیجان وچال دوستی ہمیشہ سانجھے احترام، مشترکہ اقدارتے ھک ݙوجھے دی خودمختاری و علاقائی سالمیت دے غیر متزلزل حمایت تے قائم رہی ??ے۔ اڄ دے مذاکرات ایں عزم کوں ظاہر کریندن جو اساں دفاع، تجارت، توانائی، تعلیم اتے زراعت جیھے کلیدی شعبیں اچ شراکت داری کوں م??ید وسعت ݙیسوں ۔ انہاں آکھیے نویں مشترکہ ورکنگ گروپس دی تشکیل ھک اہم پیش رفت اے جیڑھی جو ݙوہیں ملکاں وچا لنیڑے تعاون کوں م??ید تقویت ݙیسی ۔وفاقی سیکرٹری اقتصادی امور ڈاکٹر کاظم نیاز آکھیے وزارت اقتصادی امور دے اہتمام نال ایں اجلاس دی میزبانی کرݨ اساں کیتے اعزاز دی ڳالھ اے ۔ اساں تجارتی، سرمایہ کاری اتے اقتصادی تعاون کوں ودھارا ݙیوݨ سانڳے سانجھے طور تے فیدہ مند اقدامات دی سہولت ݙیوݨ تے توجہ ݙتی ہوئی اے ۔ اے مشترکہ کمیشن ݙوہیں ملکاں دے اقتصادی ترقی تے خوشحالی دے مشترکہ وژن دی علامت اے۔مشترکہ کمیشن اچ اہم معاہدے اتے فیصلے کیتے ڳئن جنہاں اچ تجارتی اتے اقتصادی تعاون، ݙوہیں ملکاں جولائی 2024 اچ دستخط شدہ پاکستان۔آذربائیجان ترجیحی تجارتی معاہدے تے عملدرآمد تے اتفاق کیتے۔ ، ݙوہیں ملکاں دے کاروباری اداریں وچال مشترکہ منصوبے اتے سرمایہ کاری دے امکانات کوں ڳولݨ تے وی اتفاق کیتے ڳئے ۔ کسٹمز حکام وچال تعاون ودھاوݨ تے الیکٹرانک ڈیٹا انٹرچینج دے قیام متعلق ایم او یو دے وختی دستخط تے وی اتفاق تھئ ے۔ ݙوہیں ملکاں دفاعی صنعت دے اشتراک تے مشترکہ پیداوار اتے دفاعی ساز و سامان دی وکامت ودھاوݨ دے معاہدے تے وختی دستخط کرݨ تے اتفاق کیتے۔توانائی دے شعبے اچ اشتراک تے سٹریٹجک انڈرگراؤنڈ گیس سٹوریج (SUGS) پروجیکٹ اچ پیش رفت تے ڳالھ مہاڑ کیتی ڳئی تے آذربائیجان کوں پاکستان دے توانائی انفراسٹرکچر منصوبیں، بشمول وائٹ آئل پائپ لائن اچ شرکت دی دعوت ݙتی ڳئی ۔زراعت اتے خوراک دی سکیورٹی دے حوالے نال ݙوہیں ملکاں زرعی تحقیق کوں ودھارا ݙیوݨ ، کپاہ، کݨک دی کاشت اتے بجاں دی ترقی اچ سانجھ دا عزم کیتے ۔ زرعی اجناس دی تجارت کوں ودھارا ݙیوݨ سانڳے کاروباری اداریں وچال تعاون تے وی اتفاق تھئے۔صحت دے شعبے اچ اشتراک نال ݙوہیں ملکاں جدید تشخیصی سہولتاں، عوامی صحت دے ہنگامی اقدامات اتے میڈیکل ٹورزم اچ تعاون تے اتفاق کیتے۔ ایں توں انڄ، صحت متعلق تحقیق اتے استعداد کار ودھاوݨ دے امکانات کوں وی ڳولݨ تے زور ݙتا ڳئے ۔مستقبل دا لائحہ عمل طے کرݨ سانڳے ݙوہیں ایں ڳالھ دی تصدیق کیتی جو نویں مشترکہ کمیشن اجلاس 2027 اچ باکو، آذربائیجان اچ منعقد تھیسی۔ پاکستان اتے آذربائیجان ایں عزم دا اعادہ کیتے جو او سانجھے تعلقات کوں م??ید گھاٹا کرݨ تے خطے اچ ترقی اتے خوشحالی کوں ودھارا ݙیوݨ سانڳے رل تے کم کریندے رہسن۔
