اسلام آباد۔27دسمبر(ا?? پی پی) وزیراعظم شہبازشریف ساہیوال توں مسلم لیگ (ن) دے رکن قومی اسمبلی محمد اشرف دی گرفتاری دی شدید مذمت کریندے ہوئیں آکھیے جو اے گرفتاری سیاسی انتقام اے، اینٹی کرپشن پنجاب کوں سیاسی مخالفین دے خلاف استعمال کرݨ افسوسناک اے۔ وزیراعظم آفس دے پریس ونگ توں جاری بیان اچ وزیراعظم آکھیے عمران خان دے آکھݨ تے اینٹی کرپشن پنجاب کوں سیاسی انتقام کیتے استعمال کیتا ویندا پئے ، پی ٹی آئی اڄ وی بد ترین سیاسی انتقام دی اپݨی منفی روش تے کاربند اے، چار سال تساں اے سارا کجھ کرتے ݙیکھ چکیے ، سیاسی انتقام دا ملک اتےعوام کوں ناقابل تلافی ضیان تھئے ۔ انہاں آکھیے نیب، ایف آئی اے وانڳوں ہݨ اینٹی کرپشن پنجاب کوں سیاسی مخالفین دے خلاف استعمال کرݨ انتہائ?? افسوسناک اتے قابل مذمت اے، سیاسی انتقام نال مخالفین کوں ݙراوݨ دی بجائے عوامی مسئلیں تے توجہ ݙیوݨ دی لوڑھ اے ۔ وزیراعظم گرفتار رکن قومی اسمبلی محمد اشرف نال یکجہتی دا اظہار کیتے ۔
