راولپنڈی۔21ستمبر(اے پی پی) خیبر پختونخوا دے ݙو ضلعیں اچ انٹیلی جنس تے مبنی آپریشنزدے نتیجے اچ 8 دہشت گرد ماریے ڳئ?? ??پن?? دہشت گرد اتے انہاں دے سہولت کاراں کوں گرفتار کر ڳھدا ڳئے۔ پاک فوج دے شعبہ تعلقات عامہ موجب سکیورٹی فورسز 21 ستمبر 2023 کوں ضلع بنوں دے علاقے جانی خیل اچ دہشت گرداں دے خلاف آپریشن کیتا جیں دوران سیکورٹی اہلکاراں اتے دہشت گرداں وچال شدید فائرنگ دا تبادلہ تھئے۔ فائرنگ دے نتیجے اچ 6 دہشت گرد جہنم واصل تھ?? ڳئن جݙاں جو 5 کوں گرفتار کرڳھدا ڳئے ۔ اے دہشت گرد سکیورٹی فورسز دے خلاف ٻہوں ساری دہشت گردانہ کارروائیاں اچ ملوث ہن جنہاں اچ 31 اگست 2023 کوں جانی خیل دی جاہ تے فوجی قافلے تے موٹر سائیکل سوار خودکش حملے دی سہولت کاری وی شامل ہئی جیں اچ وطن دے 9 بہادر پتراں اپݨی جاناں دا نذرانہ پیش کیتا۔ ایں توں علاوہ شمالی وزیرستان دے علاقے دتہ خیل اچ ھک ٻئے آپریشن اچ سکیورٹی فورسز اتے دہشت گرداں وچال شدید مقابلے اچ ݙو دہشت گرداں کوں جہنم واصل کر ݙتا ڳئے۔ ہلاک دہشت گرداں توں اسلحہ اتے گولہ بارود وی برآمد تھئے ۔ آئی ایس پی آر دا آکھݨ اے جو علاقے اچ پاتے ونجݨ آلے کہیں ݙوجھے دہشت گرد دے خاتمے کیتے آس پاس دے علاقیں اچ کارروائی کیتی ویندی پئی اے ۔ اہل علاقہ دہشت گرداں دے خلاف آپریشن دی تعریف کیتی جݙاں جو پاکستان دی سیکورٹی فورسز دہشت گردی دی لعنت مکاوݨ کیتے پرعزم اے۔
