اسلام آباد۔28جون (اے پی پی):وزیر خزانہ محمد اورنگزیب آکھیے ملک دی معاشی صورتحال مستحکم اے جیں کوں برقرار رکھیسوں ، ایف بی آر اچ چوری اتے بدعنوانی روکݨ سانڳے ایندی تشکیل نو اتے اینکوں ڈیجیٹلائز کریندے پیوں ، ٹیکس ٹو جی ڈی پی دی شرح 3 سالاں اچ 13 فیصد تئیں گھن ویسوں ، نان فائلرز دی کیٹیگری نہ ہوسی ہر ھک کوں ٹیکس ݙیوݨا ہوسی ۔ قومی اسمبلی دے اجلاس اچ ڳالھ مہاڑ کریندے ہوئیں وزیر خزانہ آکھیے جو ملک دی میکرواکنامک صورتحال مستحکم اے، کرنٹ اکائونٹ خسارہ گھٹدا پئے ، مالیاتی خسارہ کنٹرول وچ اے ، کرنسی گزریل چھی ست مہینے تو?? مستحکم اے، فارن ایکسچینج ریزروز 9 ارب ڈالر تو?? ودھ ہن جیڑھے ݙو مہینے دے امپورٹ ٻل کوٻ کور کریندے پئن ، افراط زر کوں اساں 38 فیصد تو?? گھٹ کرتے 11 فیصد تئیں گھن آیوں ۔ ملک اچ معاشی استحکام گھن ڳھدے جیں کوں برقرار رکھیسوں ایں ویلھے ساݙی ٹیکس ٹو جی ڈی پی شرح 9 فیصد اے جیں کوں ترائے سالاں اچ 13 فیصد تئیں گھن ونڄݨا اے ۔ وزیر خزانہ آکھیے نان فائلرز دی کوئی کیٹگری نہ ہوسی ساریں کوں ٹیکس ݙیوݨا پوسی ۔ ریٹیلرز تے ریئل سٹیٹ دا ٹیکس نیٹ ودھیسوں ۔ انہا?? آکھیے بجٹ اچ ضرورت مند طبقے دے مفادات دا خیال رکھیا ڳئے ۔ خسارے اچ چلݨ آلے ریاستی اداریں دی نجکاری دا عمل ترائے ??ال اچ مکم?? کریسوں ۔ وزیر خزانہ آکھیے ایس او ایز اتے پاور سیکٹر دی اصلاحات وی ساݙے ایجنڈے دا حصہ اے۔
