اسلام آباد۔17اگست(اے پی پی)وزیرِ اعظم شہباز شریف لسبیلہ بلوچستان ہیلی کاپٹر حادثے اچ شہید تھیوݨ آلے کور کمانڈر 12 کور لیفٹیننٹ جنرل سرفراز علی شہید دے گھر گین اتے انہاں دے ٹٻر کوں پرچاوݨی ݙتی۔ وزیرِ دفاع خواجہ آصف اتے وفاقی وزیرِ اطلاعات و نشریات مریم اورنگزیب وی وزیراعظم دے نال ہن۔ وزیرِ اعظم شہید کیتے فاتحہ کیتی اتے آکھیا جو ساݙے شہداء ساݙا ماݨ ہین، دہشت گرداں دے خلاف جنگ ہووے یا کوئی قدرتی آفت، پاک فوج دے جوان و افسران ہمیشہ قوم دے محافظ ٻݨ تے میدان اچ موجود ہن، پوری قوم شہداء دی قربانیاں تے خراجِ تحسین پیش کریندی اے۔
