اسلام آباد۔27اکتوبر(اے پی پی):صدر مملکت ڈاکٹر عارف علوی چین دے سابق وزیر اعظم لی کھا چیانگ دے انتقال تے ݙکھ تے افسوس کریندے ہوئیں آکھیے پاکستان اڄ ھک عظیم دوست توں محروم تھی ڳئے ، لی کھا چیانگ پاک چین اقتصادی اتے تزویراتی تعلقات دے وݙھے حامی ہن،لی کھا چیانگ ھک ویژنری رہنما ہن ۔ ایوان صدر دے پریس ونگ موجب صدر مملکت ڈاکٹر عارف علوی اپݨے تعزیتی بیان اچ آکھیے جو میکوں چین دے سابق وزیراعظم لی کھا چیانگ دے انتقال دی خبر سݨ تے ݙکھ تے افسوس تھئے ، پاکستانی عوام دی طرفوں لی کھا چیانگ دے خاندان، چینی عوام اتے قیادت نال ایں ݙکھے ویلھے تعزیت کرینداں ۔ انہاں آکھیے مارچ 2020 اچ چین دے اپݨے یکجہتی دے دورے اچ میکوں بیجنگ دے عظیم عوامی ہال اچ انہاں نال ملݨ دا اعزاز حاصل تھیا میں لی کھا چیانگ کوں ھک مخلص دوست اتے ساݙی سدا بہار دوستی کوں مزید مستحکم کرݨ کیتے پرجوش پاتا۔
