اسلام آباد۔6اگست (اے پی پی):وفاقی وزیر اطلاعات و نشریات چوہدری فواد حسین رحیم یار خان اچ گنیش مندر واقعہ دی مذمت کریندے ہوئیں آکھیے جو گنیش مندر ک??ں ھک گروہ ضیان پڄاوݨ دی کوشش کیتی ، ہندو برادری دے مذہبی جذبات کوں ٹھیس پڄاو?? آلے لوکاں کوں قرار واقعی سزا ملݨی چاہیدی اے، پاکستان ہندوستان کائنی ، اتھاں کوئی فاشسٹ آئیڈیالوجی حکمرانی نی کرسڳدی ، پاکستان دے پرچم اچ موجود ݙوہیں رنڳاں دی حرمت اساں تے فرض اے ۔ جمعے کوں رحیم یار خان اچ گنیش مندر واقعہ بارے ڳال مہاڑ کریندے ہوئیں وفاقی وزیر اطلاعات و نشری??ت آکھیے جو وزیراعظم اتے چیف جسٹس آف پاکستان ایں معاملے دا ذاتی طور نوٹس ڳھدے۔ انہاں واضح کیتے جو پاکستان دے پرچم اچ موجود رنگاں دی حرمت اساں تے فرض اے ، اساں کیتے چٹا رنگ وی اتنا ہی حرمت دا حامل اے جتنی حرمت ساوے رنگ دی اے ۔ چٹا رنگ پاکستان اچ وس?? آلیاں اقلیتاں دے حقوق دی نشاندہی کریندے ۔ چوہدری فواد حسین آکھیے جو وزیراعظم پاکستان، سیاسی و فوجی قیادت اتے عدالتاں ھک ترقی پسند ملک کیتے پاکستان دے ایں آئین کوں تسلیم کریندن جیں اچ اقلیتاں دے حقوق دے تحفظ دا وعدہ کیتا ڳئے ۔
