اسلام آباد ۔ 6 جون (اے پی پی) وزیراعظم محمد نواز شریف ایں امر تے زور ڈتا ہے جو بجلی دی طلب تے رسد دے حوالے نال فعال منصوبہ بندی بروئے کار لاتی ونجے ۔توانائی بارے کابینہ کمیٹی رمضان شریف دے دوران ترقیاتی کماں دی بنیاد تے بجلی بند نہ کرنڑ دی ہدایت کریندے ہوئیں ایل این جی تے مبنی 1200میگاواٹ دے نویں بجلی گھر دے قیام دی منظوری ڈتی ہے ۔کابینہ دی توانائی کمیٹی دا اجلاس منگل کوں وزیراعظم نواز شریف دی صدارت اچ تھیا ۔جیں اچ سیکر ٹری پانڑیں تے بجلی کمیٹی کوں گزریل اجلاس اچ کیتے گے فیصلیں تے پیش رفت بارے ڈسیا جیں اچ خزانہ ،پانڑیں تے بجلی اتے پٹرولیم تے قدرتی وسائل دیاں وزارتاں دی بین الوزارتی کمیٹی دے کم ستمبر 2018تئیں بجلی دی طلب تے رسد دا جائزہ تے غیر فعال بجلی گھراں دا استعمال شامل ہن ۔ایں موقع تے وزیراعظم آکھیا جو اے امر افسوسناک ہے متعلقہ حکام ولوں اہم نوعیت دے وختی عوامل کوں سامنڑے رکھیے بغیر منصوبہ کیتی ویندی ہے ۔وزیراعظم وزارت پانڑیں تے بجلی کوں ہدایت کیتی جو 2023تئیں بجلی دی طلب تے رسد دا جائزہ گھدا ونجے تاں جو ملک دی مستقبل دی توانائی ضرورتاں کوں پورا کرنڑ سانگے لمبی منصوبہ بندی کیتی ونج سگے ۔ایں دوران توانائی بارے کابینہ کمیٹی متفقہ طور تے منظوری ڈتی جو رمضان شریف دے دوران ترقیاتی کماں کوں بنیاد بنڑا تے بجلی دی بندش کائنی تھیونڑیں چاہیدی ۔اے فیصلہ وی کیتا گیا جو اقتصادی خوشحالی تے صارفین دے طرز عمل دی بنا تے برقی مصنوعات دے استعمال اچ ودھارے سمیت بے عوامل کوں وی بجلی دی متوقع طلب دے تخمینہ جات اچ شامل کیتا ونجے ۔کمیٹی ایل این جی نال چلنڑ آلے 1200میگاواٹ دی گنجائش دے نویں پاور پلانٹ دے قیام دی وی اصولی منظوری ڈتی ۔ اجلاس اچ وزیر خزانہ محمد اسحاق ڈار ، وفاقی وزیر پانڑیں تے بجلی خواجہ محمدآصف ، وفاقی وزیر پٹرولیم وقدرتی وسائل شاہد خاقان عباسی، وزیر منصوبہ بندی و ترقی احسن اقبال، وزیر اعلیٰ پنجاب محمد شہباز شریف، وزیر مملکت اطلاعات ونشریات مریم اورنگزیب اتے بئے اعلیٰ حکام وی شرکت کیتی ۔
.jpg)