اسلام آباد۔28اکتوبر (اے پی پی) پاکستان مقبوضہ جموں وکشمیراچ ہک حکمنامےدے تحت زمینی ملکیت دے قوانین اچ بھارتی حکومت ولوں غیرقانونی ترامیم کوں یکسر مسترد کریندے ہوئیں آکھیے جو بھارتی حکومت دی انتہائی قابل مذمت اقدام اقوام متحدہ دی سلامتی کونسل دیاں قرارداداں ، پاکستان اتے بھارت وچال ݙوطرفہ معاہدیں اتے بین الاقوامی قوانین دی خلاف ورزی دی ہک ٻئی مثال اے ۔ترجمان دفتر خارجہ موجب مقبوضہ کشمیر اقوام متحدہ دی سلامتی کونسل دیاں قرارداداں اتے بین الاقوامی قوانین دے تحت بین الاقوامی سطح تے تسلیم شدہ جھیڑا اے ۔ 5 اگست 2019 کوں بھارت دی غیرقانونی اتے یکطرفہ کارروائیاں ، اتے ایندے بعد دے اقدامات،بالخصوص ڈومیسائل قانون اتے ہݨ زمین دی ملکیت دے قوانین اچ تبدیلی دا مقصد مقبوضہ کشمیر دے آبادیاتی ڈھانچے کوں بدالݨ اے تاں جو کشمیریاں کوں انہاں دی آپݨی سرزمین اچ اقلیت اچ بدالیا ونڄ سڳے مقبوضہ علاقے دے آبادیاتی ڈھانچے کوں بدالݨ چوتھے جنیوا کنونشن دی خلاف ورزی اے۔
